September 10, 2024
A- A+
read

AGBU Hye Geen hosts "Do Women Avoid Leadership?"

Հ Բ Ը Միութեան « Հայ Կին » միաւորի Մեր Առաքելութիւնը ծրագրի առաջին խոստումն է պահպանել եւ արժեւորել Հայ կնոջ ձեռքբերումներն ու յաջողութիւնները :

Այս սկզբունքով վարչութիւնը կը ծրագրէ իր միջոցառումները , միացնելով մշակութային գործունէութիւնները մտաւորական , դաստիարակչական , ընկերային եւ մանաւանդ նոր հարցադրումներ յառաջացնող մտահոգութիւններուն :

Կիներ կը խուսափի՞ն ղեկավարի պաշտօններ ստանձնելէ

Այս էր խորագիր հարցումը այդ ծրագրին , որ տեղի ունեցաւ 2024 Օգոստոս 24-ին , ՀԲԸ Միութեան համալիրէն ներս :

Սրահին մէջ գտնուող իւրաքանչիւր կին իր մտքին մէջ վստահաբար գիտէ որ ինք գործօ՞ն է , առաջնորդո՞ղ է թէ կրաւորական . բոլորը հետաքրքրութեամբ հետեւեցան հարցազրոյցին եւ իրենք զիրենք տեղ մը հարազատ գտան ասուլիսի ընթացքին արտայայտւող կարծիքներուն:

Օրուան հանդիսավարն էր Նազարէթ Գեւոնեանի ազգասիրական գործերու ժառանգորդ խմբագիր՝ Թամար Գեւոնեան : Ան որպէս համադրող նախ ներկայացուց երկու հիւր խօսնակները եւ յաջողութեամբ վարեց ամբողջ ելոյթը :

Ձեռնարկի առաջին խօսքը առաւ Ռիթա Պոյաճեան : Տիկ. Պոյաճեան՝ Լիբանահայ, իր ուսումնական ճամբան ( BS in Business Administration& MA in School Administration) ամբողջացնելէ ետք ամբողջութեամբ կը նուիրուի կրթական ասպարէզին ( Լիբանանի եւ Լոս Անճելոսի մէջ որպէս Տնօրէն եւ Փոխ տնօրէն ) եւ կ'արժանանայ բազմաթիւ մրցանակներու :

Պոյաճեան մաքուր Հայերէնով նախ ներկայացուց տիրող իրավիճակը կրթական համալիրէն ներս , քաղաքական կեանքի մթնոլորտէն ներս ուր հակառակ կին ուսանողներու թիւի աճին տակաւին հին հարցերը կ'իշխեն եւ վիճակը շատ ալ բարելաւուած չէ :

Ան բաղդատական մը դրաւ այրերու եւ կիներու ենթարկուած պայմաններուն եւ շեշտեց շրջանակի , ընտանիքի , միջավայրի բոլոր շրջապատի երբեմն ժխտական ներդումը կիներու վրայ :

Ռիթան կը հաւատայ կնոջ կարողութիւններուն , բայց կ'ուզէ որ կիներ նախ իրենք վստահին իրենց կարողութեան : Ան կը հաւատայ որ տուն կամ ասպարէզ ընտրութեան պարագային կիներ ընդհանրապէս կը նախընտրեն ընտանիք կառոյցը եւ պէտք ունին ամբողջ շրջապատի վստահութեան դառնալու համար օգտաշատ առաջնորդ :

Օրուան երկրորդ զրուցողն էր Թամար Փօլատեան ( Փերօն ) Ան տարիներէ իվեր ծանօթ է որպէս իրաւաբան եւ օրէնքի մարդ: Ծանօթ է գաղութին մէջ որպէս Հայ Ամերիկեան կապերու liaison . Հայ Դատի յանձնախումբերու լիազօր պայքարող եւ Ռամկավար Ազատական Միութեան նուիրեալ անդամ եւ շրջանայինի ատենապետ :

Թամարը բազմաթիւ օրինակներ տալով նախ ներկայացուց կիներու թուական պատկերը քաղաքական , ազգային եւ միջազգային կեանքէն ներս: Ան կը հաւատայ որ մարդիկ հաւասար կը ծնին եւ միջավայրն ու դաստիարակութիւնը կը հաստատէ տարբերութիւնները :

Give credit to yourself կը կրկնէ մեր իրաւաբանը . անցաւ ամէն յաջող մարդու ետեւ կին մը կայ մտայնութիւնը որովհետեւ հիմա կիները իրենք պատրաստ են We are ready , you are ready , we can do it .

Հանդիսութեան աւարտին հարց պատասխանն եւ կարծիքներու փոխանակումը հետաքրքրական բնոյթ տուին ձեռնարկին :

Կիներ կը խուսափի՞ն ղեկավարի պաշտօններ ստանձնելէ հարցումին կարելի չէ այո կամ ոչով պատասխանել . իւրաքանչիւր վիճակ առանձին պարագայ է : Բայց փափաքելի է տեսնել կիներ առաջնորդող պաշտօններու վրայ : 

Ինքնավստահութիւն , կամք եւ նպատակասլաց յարատեւ աշխատանք կը թելադրենք մեր նոր սերունդին :

Highlights > News Archives