Նկար
Խորհրդատվություն ու առողջապահական խնամքի հասանելիություն
Բժշկական օգնություն
Ներառարական ծրագրեր
Ծառայություններ հայ ներգաղթյալների համար
Կրթաթոշակներ
Օգնե՛ք կրթության և կենցաղային ծախսերի հարցում
Մինչ մենք արտակարգ օգնություն ենք ցուցաբերում ճգնաժամի ժամանակ, մենք նաև երկարաժամկետ աջակցության ռազմավարական նախաձեռնություններ ենք մշակում աղետներից վերապրածների համար: Փախստականների և ներգաղթյալների վերաբնակեցման մեր ծրագրերն ընդգրկում են բնակարանային ծախսերի հատուցումը, մասնագիտական խորհրդատվությունը, աշխատանքի տեղավորումը, կրթաթոշակներն ու անվճար առողջապահական ծառայությունները: Մեր համայնքները ապահովում են նաև անհրաժեշտ կայունության և հոգեկան առողջության աջակցություն:
Հանուն տոկունության ու դիմադրողականության
Մենք հանձնառու ենք օգնելու ճգնաժամի մեջ գտնվող հայերին՝ վերականգնելու իրենց կյանքը: Նվիրաբերելով ՀԲԸՄ գլոբալ օգնության հիմնադրամին՝ դուք կարող եք ապահովել, որ ՀԲԸՄ-ն երկարաժամկետ ծրագրեր իրականացնի ի աջակցություն տուժածների:
Վերջին նախաձեռնությունները
2020 թ. Բեյրութի նավահանգստի ահռելի պայթյունից հետո ՀԲԸՄ-ն աղետից տուժած երեխաների համար կազմակերպել է հոգեկան առողջության վերականգնման խորհրդատվություններ:
Հայաստանում ՀԲԸՄ-ն մեկնարկել է Արցախյան պատերազմից տուժած երեխաների ամառային հանգստի ծրագիր: «Նաիրի» ճամբարը երիտասարդներին առաջարկում է հաճելի միջավայր՝ ժամանակ անցկացնելու բնության գրկում ու մասնակցելու օգտակար միջոցառումների: Ծրագիրն իրականացվում է փորձառու անձնակազմի մասնակցությամբ ու հոգեկան առողջության մասնագետների աջակցությամբ:
ՀԲԸՄ Կլաուդիա Նազարյան բժշկական կենտրոնն ստեղծվել է սիրիահայերին բժշկական խորհրդատվական ծառայություններ մատուցելու նպատակով: Հաստատությունը համալրված է Սիրիայից ներգաղթած բժիշկներով: Կենտրոնն առաջարկում է ընդհանուր և մասնագիտացված ծառայություններ բժշկական տարբեր ուղղություններով՝ ներառյալ մանկաբուժությունը, ինչպես նաև օգնում է գտնել ֆինանսավորման աղբյուրներ ավելի լուրջ բժշկական միջամտություններ ու ընթացակարգեր պահանջող դեպքերի համար:
Սիրիական պատերազմի ժամանակ Մոնրեալի ՀԲԸՄ Ալեք Մանուկյան դպրոցը ստեղծեց ինտեգրման կենտրոն նոր ժամանած հայ աշակերտների համար: Կազմակերպվեցին ֆրանսերենի, անգլերենի և հայերենի ուսուցման արագացված դասընթացներ: Այս փորձը կիրառվեց նաև երկրի այլ համայնքներում:
ՀԲԸՄ-ն հասկանում է կրթության շարունակականության ապահովման կարևորությունը: Մենք կրթաթոշակներ ենք տրամադրում ՀԲԸՄ դպրոցներում, բուհերում ու քոլեջներում սովորող տեղահանված ուսանողներին:
Խոցելի հայկական համայնքներին անվճար առողջապահական խնամք ապահովումը կենսական է եղել ՀԲԸՄ-ի երկարաժամկետ ծրագրերում: 20-րդ դարի կեսերից մենք բժշկական կենտրոններ ենք հիմնել Լիբանանի աղքատ շրջաններում, որոնք, ցավոք հաջորդ տասնամյակներում վնասվել են պատերազմի ու հակամարտությունների ընթացքում: Այս կենտրոններն այսօր էլ գործում են՝ ծառայելով լիբանանահայերին ու լիբանանցիներին:
