Մարդասիրական օգնության բնագավառում ՀԲԸՄ-ն միշտ եղել է առաջնագծում: Որտեղ էլ որ վտանգ է առաջացել, մեր հսկայական ցանցը գործել է արդյունավետորեն: Անգամ Հայոց ցեղասպանությունից առաջ, սովի ու տարածաշրջանային անկարգությունների ժամանակ, մեր առաջնորդներն ու անդամները զորաշարժի են ենթարկվել սահմաններից այն կողմ՝ կարիքավորներին սնունդ և օգնություն հասցնելու համար:
Հաջորդող տասնամյակներին դժվարություններ դիմագրաված հայերը, որպես փրկօղակ ու կամուրջ դեպի վերականգնում, ապավինել են մեր երկարաժամկետ աջակցությանը:
Հայ ժողովրդի կրած անասելի ողբերգությունների ու կորուստների հաղթահարման պատմությունը մեզ սովորեցրել է լինել համերաշխ մարդկային տառապանքների հետ՝ մեզ ոգեշնչելով վերադարձնել ոչ միայն մեր հայրենակիցներին, այլև կարիքավոր ոչ հայերին: Համաճարակների, քաղաքացիական անկարգությունների, պատերազմի ու բնական աղետների ընթացքում ՀԲԸՄ-ն շարունակում է օգնել կարիքավորներին:
ճգնաժամերի դիմակայման ու աղետների մեղման գործում ՀԲԸՄ-ն տպավորիչ կարողություն է ստեղծել: Մեր համաշխարհային ենթակառուցվածքով մենք արագ միջոցներ ենք հավաքել, կամավորներ ուղարկել ու աշխատել համախոհ գործընկերների հետ: 2020 թ. մենք զանգվածային քանակությամբ սնունդ ու հագուստ ենք բաժանել հազարավորների ու ապահով ապաստան ու բժշկական օգնություն տրամադրել տեղահանված անհատներին ու ընտանիքներին: Մենք արագ և արդյունավետ արձագանքում ենք արտակարգ իրավիճակներին:
ՀԲԸՄ-ն նաև երկարաժամկետ աջակցություն է հասցնում ավերիչ ողբերգությունից հետո: Մենք մեկնարկել ենք վերաբնակեցման ծրագրեր, կարիերայի խորհրդատվություն, աշխատանքի տեղավորում, դպրոցական ու համալսարանական կրթաթոշակներ տեղահանվածների ու փախստականների համար, ինչպես նաև անվճար բժշկական ծառայություններ ՀԲԸՄ խնամքի կենտրոններում: Մենք նաև հոգեկան առողջության աջակցություն ենք ցուցաբերում երկարատև տրավմայից տառապողներին:
Մեր միջազգային ցանցն ակտիվանում է՝ անհրաժեշտության դեպքում օգնություն հասցնելու համար: Իմացե՛ք ավելին մեր ազդեցության մասին և աջակցե՛ք մեր շարունակական ջանքերին՝ նվիրաբերելով ՀԲԸՄ Գլոբալ օգնության հիմնադրամին:
